Maydan bundan sonra da hakimiyyət orqanları üzərində müşahidə funksiyasını davam etdirməli, Ukraynada xalq hakimiyyətinin bərpası üçün istənilən anda müdaxilə etməyə hazır olmalıdır».

Bəyanatda o da bildirilir ki, tələblər tam yerinə yetirilməyənə qədər Maydan dağılmayacaq və barrikadalar sökülməyəcək.

Ukraynanın hakim «Regionı» («Bölgələr») partiyası isə müxalifətə keçdiyini rəsmən açıqlayıb. Fevralın 24-də keçmiş hakim partiyanın Ali Radadakı daha 3 üzvü partiyadan istefa verdiyini açıqlayıb. 24 fevral tarixinin önəmli hadisələrindən biri də Krımda Yanukoviçi və Rusiyanı dəstəkləyən 50 min nəfərlik mitinqin keçirilməsidir. Qeyd edək ki, Krım əhalisinin 58 faizi ruslardır.