Ukraynadakı türklərin maraqlarını qoruyan «Baxçasaray strategiyası» mərkəzinin direktoru, eyni zamanda Krım tatarlarının Avromaydan təmsilçisi Ayder Muctaba «Yeni Müsavat»a açıqlamasında bildirib ki, onlar Qərbin sonadək Ukraynanın ərazi bütövlüyünü və suverenliyini müdafiə edəcəyinə əmindirlər: «Bu gün rəsmi Kiyev beynəlxalq birliyə çağırış edib. Biz prosesi diqqətlə izləyirik və görünən odur ki, Qərb Ukraynanın böhrandan bütöv çıxması üçün bütün mümkün olanları etməyə hazırdır. İndi Rusiya yalnız Krımda deyil, digər şərq vilayətlərində də gərginliyi artırmağa çalışır.