Bolqarıstandan Türkiyəyə köçmüş türk ailəsində dünyaya gələn 1991-ci ildə İstanbul Universitetinin hüquq fakültəsini bitirərək bir müddət vəkillik fəaliyyəti ilə məşğul olan, daha sonra prokurorluq sistemində işə düzələn Zəkəriyyə Özün adı 2007-ci ilə qədər heç nə demirdi. O vaxta qədər ki, bir zamanlar Türkiyə siyasətində əsas güc hesab edilən ordunun mənsubları, generallar və polkovniklər, Atatürkçü ziyalılar və ictimai xadimlər şişman qarınlı, xalis Osmanlı məmurları kimi qalın şeşə bığlı bu prokurorun çıxardığı sanksiyalar əsasında kütləvi şəkildə Silivri həbsxanasına doldurulacaqdı...