300 memar və minlərlə mühəndis ordusu ilə gündə 15-17 saat işləyən Ağaoğlu şirkətə hamıdan əvvəl gəlir, olduğu kimi görünməyə və işçiləri ilə səmimi olmağa çalışır. «Olduğum kimi görünürəm. Ənənəvi rəhbər, müdir stereotiplərini dağıtdığımı düşünürəm. Tikintidə çalışan adi fəhlə ilə söhbətdən də zövq alıram. Türk cəmiyyətində belə bir fikir var ki, varlı adam pis adamdır. Onların fikrincə, varlılar qapalı yaşamağı, cəmiyyətdən uzaq olmağı sevir. Mən elə deyiləm, maşınımı özüm sürürəm, hər zaman insanların içərisində oluram və tanımadığım insanlarla belə uzun-uzadı söhbət etməkdən doymuram».