Bir cibində 200 dollar və digərində Qurani-Kərimlə ABŞ yolçuluğu

Mustafa Akkad yetkinlik yaşına çatanda atası onu Qərbə yola salmaq qərarı aldı. Bu ata üçün böyük qurban idi — amma uzaqgörən atanın oğluna verdiyi ən dəyərli hədiyyə oldu.

Atasının cibinə iki şey qoya bildi – 200 dollar nağd pul və bir də Qurani-Kərim. “Oğlum, artıq azadsan. Get, qanadlarınla uç. Ailəmizi şərəfləndir”. Bu sözlər Mustafa Akkadın bütün həyatı boyu ona yol göstərdi.

19 yaşında Los-Ancelesdəki Kaliforniya Universitetinin teatr sənəti fakültəsinə qəbul olunması onun həyatında əsaslı dönüş nöqtəsi oldu. O, bu imkandan maksimum yararlandı.