Müqəddəs şəxsləri göstərmək qadağası

Lakin bu icazənin öz şərtləri var idi. Alimlər açıq şəkildə bildirdilər: Həzrəti Məhəmmədi, Həzrəti Öməri, Həzrəti Əlini, Həzrəti Osmanı və Həzrəti Əbu Bəkri fiziki olaraq ekranda göstərmək olmaz. Bu qayda onların həyat yoldaşlarına, qızlarına və kürəkənlərinə də şamil edilirdi.

“Bəs kimi göstərə bilərik?” sualına alimlər cavab verdilər: “Peyğəmbərin əmisi Həzrəti Həmzəni göstərmək mümkündür”.

Bu, filmi kökündən yenidən qurmaq demək idi. Amma Akkad bu məhdudiyyəti yaradıcı həllə çevirdi. Filmdə döyüş səhnələrinin bəzilərində Həzrəti Əlinin məşhur “Zülfüqar” qılıncı da görünürdü.