Stereotiplərin qırılması

Film müsəlmanlarla bağlı mənfi stereotiplərə ciddi zərbə vurdu. Mustafa Akkadın da ən başlıca məqsədi idi – və o, buna nail oldu. Ekran əsəri milyonlarla insanın İslama maraq göstərməsinə səbəb olduğu deyilirdi. Deyilənlərə görə, “Çağırış” nəticəsində indiyə qədər 7 milyon insan islamı qəbul edib.

İstanbul nümayişindəki mətbuat konfransında – həm Akkad, həm Entoni Kuinn iştirak edirdi – jurnalistlər yeknəsəq sual verdilər: “Müsəlman oldunuzmu?”

Kuinn, “Bu rol məni çox düşündürdü. Amma hələ də xristianam”, – deməklə, illərlə davam edən şayiələrə son qoydu.