Qızımla bir sinifdə sinif rəhbərinin bacısı oğlu Anar da oxuyurdu. 8-ci sinifdə oxuyanda Anar dəfələrlə Çinarə ilə dalaşmışdı ki, arxa partada  oturub qızım onun kürəyinə baxmasın. Mən məktəbə gedib məsələyə aydınlıq gətirmək istəyəndə, Anar Çinarəyə də, mənə də qarşı aqressivlik göstərdi, hətta Çinarəyə hücum edib, onu döymək istədi. Müəllimlər onu güclə sakitləşdirdilər. Bütün bunlar sinif rəhbərinin, məktəbin psixoloqu Gülsənəmin, direktor müavini İradə Rövşən qısının və bir neçə müəllimlərin yanında baş verdi. Sinif rəhbəri bacısı oğlunu müdafiə edib dedi ki, Anarın yetkinlik dövrüdür, ona görə aqressivdir. (Məgər Çinarənin yetkinlik dövrü deyildi?!) Anarın anası da övladını tənbeh etmədi, baxmayaraq ki, söhbət direktora qədər gedib çıxdı. O zaman məktəb direktoru Kəmalə Qədirova idi. Mənim ən böyük səhvim onda oldu ki, vaxtında polisə şikayət etmədim.