Musavat.com Rəfail Əsgərovun keçmiş qudasının əməlləri barədə müxtəlif dövlət instansiyalarına ünvanladığı məktubun məzmunu haqda yazır. (Hərçənd bu müraciətin fotosurəti saytda yoxdur).

Keçmiş quda bildirir ki, 2013-cü ilin aprelində Qüdrət Şükürov ona birlikdə Moskvaya getməyi təklif edib. Qüdrət Şükürov içki məclisindən sonra Moskvada yaşayan bir erməni ilə əlaqə saxlayıb. «OTİS» lift zavodunun rəhbərliyində təmsil olunan V.Avakyana Q.Şükürov özünü qeyri-azərbaycanlı kimi təqdim etməklə onunla görüşmək istədiyini deyib. Növbəti gün isə onunla görüşə gedib.