Belə bir fikir var - qrip dərmanla bir həftəyə, dərmansız 7 günə sağalar. Elə çoxlarımız bu sözə aldanıb, iynə-dərmanı bir kənara atıb, yeddi günün keçməsini gözləyirik. Amma indi gözləyə bilmərik. Çünki, artıq qrip bir həftə yox, ən azı bir ay davam edir.

Bəs xəstəliyin bu qədər uzun çəkməsinə səbəb nədir? Nə üçün bir neçə il əvvəl qrip bir neçə günə keçib gedirdisə, indi ən güclü dərmanları qəbul etməyimizə baxmayaraq bu əzabdan xilas ola bilmirik? Ən asası bir neçə aydır paytaxt sakinlərini narahat edən bu virusun mənbəyi nədir və necə yaranıb? Bu virus kimlər üçün daha təhlükəlidir? Ondan necə qoruna bilərik?