Moskva isə arzuladığı, Amerikanın dominant olduğu dünya düzənini dəyişmək roluna getdikcə daha çox girməkdə idi. Putinin prezident postuna qayıtması ilə Kremlin neoimperiya və fövqəldövlət ambisiyaları real siyasətdə özünü daha qabarıq göstərməyə başladı. Onun yeni kursundakı anti-Amerika xisləti həm «İran təhlükəsi»ndə, həm Türkiyə-Ermənistan danışıqlarının pozulmasında, həm də ərəb inqilabları kontekstində və ələlxüsus, Suriya böhranına münasibətdə aşıq-aşkar özünü göstərdi.

Lakin Rusiyanın Qərblə açıq qarşıdurma meydanına çevrilmək məhz Ukraynaya və Krımın nəsibinə düşdü. Məhz «Krım nitqi»ndə Putin Münhendə 7 il öncə səsləndirdiyi, »Pax Americana»nın geosiyasi dəyişikliyinin mümkünlüyü haqda bəyanatını real məzmunla doldurdu.