Fidelin səhhəti və bununla əlaqədar onun varisi ilə bağlı şayiələr 2004-cü ildən başlanmışdı. Həmin vaxt komandante yıxılmış, diz qapağını və əlini sındırmışdı. Adı çəkilən varislərin arasında Fidelin qardaşı Raul Kastro da vardı. 2006-cı il, iyulun 31-də təcili cərrahiyyə əməliyyatından əvvəl Fidel Kastro hakimiyyəti qardaşına təhvil verdi.

Bütün bu hadisələr zamanı Kuba hakimiyyət orqanları Fidelin ağır xərçəng xəstəliyinə tutulduğu barədə iddiaları qızğın şəkildə rədd edirdi. 2007-ci ilin fevralında Raul elan etdi ki, prezidentin durumu yaxşılaşır. Buna baxmayaraq, bir il sonra Milli Assambleyanın iclasında Fidel elan etdi ki, ölkənin və silahlı qüvvələrin başçısı postunda qalmaq istəmir.