Nazarbayevin istədiyi “xüsusi rəy”ə gəlincə, Ə. Oruclu bildirib ki, bu rəy Qarabağın statusu ilə bağlıdır. 

“Gömrük İttifaqı yaranarkən Ermənistanın işğalı altında olan ərazilərin taleyinin necə olacağı burda əksini tapmalıdır. Əgər ittifaqın tərkibinə daxil olacaqsa, Ermənistan və Rusiya tərəfindən bu addım Azərbaycanın işğal olunmuş ərazilərinin andeksiyası deməkdir. İttifaqa imza atan dövlətlər də bunu dəstəkləmiş olacaqlar. Bu baxımdan, bu nəinki Qazaxıstana, ümumilikdə heç bir ölkəyə lazım deyil” - deyə siyasi şərhçi diqqətə çatdırıb.