Musiqi dahisi və səhrada iki ay

Mustafa Akkad filmin musiqisi üçün yalnız bir adı düşünürdü – Moris Jarr (Maurice Jarre).

Fransız bəstəkar Moris Jarr o dövrün kino dünyasının ən böyük musiqiçilərindən biri idi. O, həyatı boyunca 150-yə yaxın filmin musiqisini bəstələmişdi. 6 dəfə “Oskar”a namizəd olmuşdu, üç dəfə mükafatı qazanmışdı. 4 “Qızıl Qlobus”, 1 “Qremmi” mükafatı əldə etmişdi. “Ərəbistanlı Lourens”, “Doktor Jivaqo”, “Hindistana keçid”, “Şoqun” kimi əfsanəvi filmlərin musiqi müəllifi.

Məşhur elektron musiqiçisi Jan-Mişel Jarr (Jean-Michel Jarre) onun oğludur.

Həmin gecə – “Ərəbistanlı Lourens” filminin premyerası – Moris Jarrın musiqilərini “Oskar”a aparan o gecə Mustafa Akkadın da zehnini işıqlandırmışdı. On beş il sonra indi onların yolları yenidən kəsişirdi.