Etibar Bədəlov deyir ki, Bakının Abşerondan başqa heç bir rayonunda yerli əhaliyə pay torpağı verilməyib, çünki yalnız Abşeron kənd rayonudur: «Hazırda bu rayonda məskunlaşma daha sıx gedir. Çünki sovxozlar ləğv olunduqdan sonra torpaq sahələri fiziki şəxslərə satılıb, yaxud kəndlilərə pay torpağı kimi verilib. İmkansız kənd əhalisi bu pay torpaqlarını satıb, hazırda hər bir pay torpağında 5-6 ailənin təsərrüfatı yaranıb. Ona görə də bu rayonun əhali sayı statistikanın göstərdiyi rəqəmdən iki dəfə artıqdır. Abşeronun Masazır kəndinin statistika üzrə rəsmi əhalisi 11 mindən çoxdur. Amma orda 3 böyük şəhərcik yaradılıb: Yeni Bakı, Qurtuluş-93 və məcburi köçkünlər üçün şəhərcik.