Dövlət şəhərsalma və Arxitektura Komitəsinin şöbə müdiri Cahangir Qocayevin sözlərinə görə, alimin təklif etdiyi məsələlərə gələcəkdə baxılacağı gözlənilir: «Kənd o yerə deyirlər ki, yerli əhalinin əksəriyyəti təsərrüfatla məşğuldur. Əlbəttə, gələcəkdə bu məsələlərə baxılacaq. Mən hesab edirəm ki, Biləcəri və Maştağa ətraf kəndləri ilə birgə ayrıca rayon olmalıdır. İdarə oluna bilən normalar üzrə statuslar bu cür müəyyənləşməlidir.

Məsələn, hazırda Xətai rayonun əhalisi Gəncənin əhalisindən çoxdur. Ola bilsin, sərhədlər dəyişər və hətta bir əhalinin məskunlaşmasına, böyüməsinə görə bir qəsəbə rayona çevrilə bilər. Necə ki, Xəzərdə Pirallahı rayonu yarandı».