Çox təəssüf ki, tədqiqatçılarımızın əksəriyyəti iqtisadi inkişafın problemlərini makrosəviyyədən aşağıda təhlil etmək istəmir. Ancaq statistikanın nəticələrini təhlil edirik. Halbuki iqtisadiyyatın problemləri aşağıda formalaşır». Keçmiş deputat, iqtisadçı Nazim Məmmədov bildirdi ki, hökumətin iqtisadi şaxələnmə siyasəti doğrudur. Onun fikrincə, hökumət idxalı əvəzləmə siyasətinə üstünlük verməklə doğru istiqamət götürüb.

REAL hərəkatının təmsilçisi Natiq Cəfərli qeyd etdi ki, iqtisadi şaxələnmə siyasətinin uğur qazanması üçün korrupsiyanın aradan qaldırılması, hökumətin işinin şəffaflığının və hesabatlılığının artırılması, rəqabət mühitinin və azad sahibkarlığa şərait yaradılması zəruridir: