«Neft gəlirləri və iqtisadi artım» mövzusunda məruzə ilə çıxış edən Azər Mehtiyev Azərbaycanda neft və qaz hasilatının dinamikası, ölkənin neft-qaz gəlirlərinin dinamikası haqqında məlumatları çatdırdıqdan sonra qeyd etdi ki, 2013-cü ilin sonunadək Dövlət Neft Fonduna 81 milyard manatadək vəsait daxil olub ki, bunun da 51,2 milyard manatı yaxud 63,2 faizi artıq xərclənib. Bundan başqa 2006-2013-cü illər ərzində ABƏŞ-in xətti ilə dövlət büdcəsinə 10,1 milyard manat daxil olub.